13 Mar 13- Mar - 2021 في الفتره الاخيره ومع ظهور وباء جديد زي الكورونا او كوفيد 19 بدا يزيد قلقنا وبحثنا عن طرق العلاج والادويه اللي ممكن تحمينا منه وكل الدول بدات في تصنيع ال vaccine المناسب له بس احنا في ايدينا اهم علاج وواقي من الفيروس ومن اي مرض تاني وموجود في كل بيت العلاج ده هو التغذية والاكل الصحي الدراسات كلها اثبتت ان الأكل الصحي المتوازن عامل من عوامل حمايتنا من اي مرض وبالذات فيروس كرونا المستجد طيب معني كده فيه اكل معين لو أكلته هتعالج من الكرونا لو عندي او تمنع أنها تجيلي اصلا؟ الاجابه لا مفيش دليل علمي واضح علي ان نوع اكل معين له تاثير مباشر علي الكرونا طيب ازاي الاكل الصحي هو اللي يساعدنا نحمي نفسنا؟ خط الدفاع الاول عندنا تجاه اي فيروس هو جهاز المناعه علشان كده لازم نحافظ عليه ونعززه علشان يحمينا من اي خطر وده بيحصل لما بنبدا ناكل اكل صحي ومتوازن بيبدا يدخل لنا العناصر الغذائية الأساسية اللي الجسم محتاجها علشان كل خليه عندنا تقوم بوظفيتها ومنها جهاز المناعه ايه الاكل اللي لازم ناخد بالنا منه؟ حاول ننوع من الخضار والفاكهه علشان فيهم نسبه عاليه من مضادات الاكسده اللي بتحمي من اي التهاب يحصل في الجسم كمان فيها عناصر غذائية اساسيه للجسم ومهمه اننا ناخدها من مصدر طبيعي نحاول ان مصادر النشويات لينا تكون حبوب كامله ونشويات معقده لان نسبه الالياف اللي فيها بتقلل كمان من اي خطر من الالتهابات ممكن تحصل للجسم بتكون محتفظه بكل العناصر الغذائية المفيده زي مجموعه فيتامينات ب والزنك والحديد والنحاس والماغنسيوم وبتنظم سكر الدم وبالتالي الانسولين اللي زيادته في الدم ممكن تضر الخلايا نبدل مصادر الدهون بتاعتنا نخليها مصادر صحيه بدل من الدهون المهدرجة لان الدهون الصحيه بتساعد علي تقليل نسبه الكوليسترول الضار وتقلل من ترسبه في الشرايين وبالتالي تحمينا من امراض القلب كمان بتساعد علي امتصاص الفيتامينات اللي بتدوب في الدهون زي فيتامينات A,K,D,E نحاول نقلل من الاكل اللي بيكون فيه نسبه سكر او املاح عاليه الكرونا بتكون اخطر علي الناس اللي عندها امراض مزمنه زي امراض القلب والسكر واي امراض في الجهاز التنفسي والضغط وكمان مرضي السمنه وده لانهم الجهاز المناعي ليهم بيكون اضعف لان الامراض دي بتزود نسبه الالتهاب في الجسم بالتالي بيكون عرضه انه يستجيب لاي مرض تاني ويبقي فيه صعوبه للتغلب عليه علشان كده النظام الغذائي الصحي المتوازن علشان نتجنب اي مرض الدراسات اثبتت ان الأشخاص اللي يتعاني من السمنه عرضه اكتر انهم يدخلوا العنايه المركزه بسبب الفيروس اكتر من الناس اللي وزنها طبيعي بنسبه تقريبا ٧٤في الميه ده ايه سببه؟ السبب انهم بيكون عندهم نقص في عناصر كتير في الجسم بتكون اساسيه لتقويه جهاز المناعه كمان السمنه بتاثر علي الجهاز التنفسي وبتقلل مساحته وقدرته علي التنفس بشكل صحي وسليم والفيروس ده بياثر علي الجهاز التنفسي بالتالي المقاومه له بتكون ضعيفه كمان بيكون عندهم في ضغط الدم وضغه وده بيزود العرضه لحدوث الجلطات الأنيميا كمان ليها علاقة بال COVID 19 الناس الى بتعانى من الانيميا بيكون عندهم الهيموجلوبين قليل. الهيموجلوبين هو المسؤل انه يشيل الأكسجين يوديه لكل اعضاء الجسم. و ده هيسبب مشاكل فى الوظائف طبعاُ الى مسؤله عنها ال الاعضاء ديه، وبالتالي ضعف الجهاز التنفسي. الانيميا من اكبر احدي اسبابها واكثرها انتشارا وهي افتقار النظام الغذائي من عناصر مهمه زي الحديد و فيتامين ب١٢ بسبب نظام غذائي غير صحي او اتباع دايت قاسي كمان معلومه ممكن غايبه عن كتير مننا التغذيه السليم مش بس مجرد الاكل اللي داخل لنا لا دي عباره عن منظومه متكامله الاكل جزء منها طيب ايه الأجزاء التانيه؟ المايه ودي اهم جزء كمان جسمنا ٧٠ ٪ منه عباره عن مايه المايه دي بنفقدها عن طريق البول او العرق او اثناء التنفس نسبه فقد المايه دي بتزيد لما درجه حراره جسمنا بتزيد علشان كده لازم نفضل مرطبين جسمنا بالمايه علشان نعوض الفقد اللي بيحصل فيها ترطيب الجسم عموما بيؤدي كمان لترطيب الرئه وتنظيفها اثناء التنفس نشرب اقل حاجه في اليوم من ٢- ٣ لتر للبالغين والاطفال اقل حاجه لتر ونص جزء تاني مهم من العادات الصحيه هي الرياضه الرياضه بتساعدنا اننا ننظم نفسنا وتساعد علي حمايه الجهاز التنفسي كمان بتمنع اننا نكتسب وزن غير مرغوب فيه وبتحمينا من امراض كتير زي امراض القلب او مرض السكري النوع الثاني وبالتالي بتقلل من مضاعفات الكرونا كمان بعض الدراسات اثبتت انها لها تاثير علي تحسين جهاز المناعه في النهايه نحب ناكد ان مش لازم مجرد اهتمامنا بالاكل يكون علشان دايت ومجرد رقم علي الميزان اهتمامتنا بالاكل والتغذية السليمة لازم يكون علشان صحتنا وحياتنا ودي اهم من اي رقم علي الميزان Leave a Reply Please enable JavaScript to view the comments powered by Disqus.